„Uffgestann!“ unn „Hoch die Tasse!“ unn jetzt die Hüfte schwinge lasse...

Es Johr hat grad erschd aangefang

im Ohr hamma noch Gloggeklang;

unn das Gebolla von Silweschda

peifft noch im Ohr, als wär’s von geschda.

De Gertel strämmt vom Weihnachtsspeck,

die Punde müsse widda weg.

Unn Vorsätz für das neie Johr,

die sinn jezz aach schon nimme wohr.

Doch Rumgejamma bringt nit viel.

Mir hann direkt e neies Ziel:

jezz gehts drum widda rumzefooze

als Ormesummer Faasebooze.

Mir hann gedacht, es wär doch scheen,

für dies Johr mol weit weg ze geh’n;

das Schmuddelwedda auszeblende;

unn sich der Sonne zu ze wende.

Drum: „Uffgestann!“ unn „Hoch die Tasse!“

unn jetzt die Hüfte schwinge lasse;

mit „Ramba Zamba und Radau

auf der Faschingsinsel des KTV!“